"La marcia di Luigi". S'assurdidadi de sa gherra in su sàgiu de Francesca Violante Rosso
(IlMinuto) - Casteddu, 16 de su mes''e argiòlas - Ammostai "s'assurdidadi e sa tragédia de sa gherra". Esti stetiu cussu chi at fattu scriri a Francesca Violante Rosso, giornalista professionista freelance, "La marcia di Luigi – Cinc'annus de gherra, de dabori e de chilómitrus". Unu sàgiu istoricu chi contat - acrarat s'autora - "is acuntéssias bivias de unu de is ùltimus supérstitis de sa tragédia in is frontis de sa segunda gherra mundialli, gherra chi in is annus Caranta de su séculu passau iat atrepigliau su pianeta".
S'ómini, Luigi Cannas de Sa Sia, frazioni de Tula, oi tenit 90 annus e no at mai scancellau s'arregordu de cussus annus difícilis. "Isperu - narat Cannas - ca custodiendi sa mimória cantu primu s'at a podi imparai a no isballiai prus".
Su líbburu - pubblicau de is edizionis Seneca e in aparada in su mes''e maju passau in sa Fiera internazionali de su líbburu de Torinu - at essi presentau cras a merì in Tula (Anfiteatru comunali, 19.00) in d'unu dibbatidu cordinau de su fotogiornalista Antonio Mannu, cun sa participazioni de s'autora, de Luigi Cannas e de Andrea Becca, Síndhigu de sa bidda.
S'ómini, Luigi Cannas de Sa Sia, frazioni de Tula, oi tenit 90 annus e no at mai scancellau s'arregordu de cussus annus difícilis. "Isperu - narat Cannas - ca custodiendi sa mimória cantu primu s'at a podi imparai a no isballiai prus".
Su líbburu - pubblicau de is edizionis Seneca e in aparada in su mes''e maju passau in sa Fiera internazionali de su líbburu de Torinu - at essi presentau cras a merì in Tula (Anfiteatru comunali, 19.00) in d'unu dibbatidu cordinau de su fotogiornalista Antonio Mannu, cun sa participazioni de s'autora, de Luigi Cannas e de Andrea Becca, Síndhigu de sa bidda.
© RIPRODUZIONE RISERVATA