Eolicu. Su centrusinistra dimandat is dimissionis de Capellacci
(IlMinuto) - Casteddu 20 de su mes''e argiòlas - "Po su beni de totus forsis est mellus serrai debressi cust'agunia chi assinuncas at a fai scéti mali a s'Ísula".
Cun custus fueddus su segretàriu regionali de su "Partito Democratico", Silvio Lai, at annunziau sa decisoni de presentai una mozioni de discunfiànzia in is cunfrontus de su presidenti de sa Giunta Ugo Cappellacci.
Sa mozioni - at precisau Lai - at essi presentada "no po is spricullitus o is reatus chi forsis at fattu e chi spereus siant acraraus negativamenti, ma poita nos si bolleus pigai sa responsabbilidadi de no sighiri in d'una istrada chi at a impidiri a sa Sardigna de si ndi torrai a pesai".
A sa dimanda de dimissionis si funt unias is àteras forzas de s'alleànzia: sa mozioni de discunfiànzia at essi presentada de totu su centrusinistra. "A s'afuscu e a sa paràlisi amministrativa - at nau su consilleri de Sinistra Ecologia e Libertà Luciano Uras - est de preferiri su votu antizipau. In custas diris sa mozioni de discunfiànzia est su mesu prus adatu po berificai si custa legisladura podit sighiri su traballu suu".
"Si est tontesa o disonestadi importanti po sa fedina penali sua - at aciuntu su segretàriu regionali de su Prc Gianni Fresu - tocat a sa magistradura a ddu stabbiliri, una cosa est segura, su tempus benidori de su pópulu sadru no podint essi lassau in is manus de unu Presidenti, po atrogu suu, 'babbalucu'".
Prima a dimandai is dimissionis de Cappellacci po s'afari de s'eolicu furiat perou stetia, giai duus mesis fait, Claudia Zuncheddu, presidenti de is Rossomori. "Cappellacci - iat declarau - est unu brazu fideli de órdinis chi no si curant de is interessus de is sadrus. Lassit s'incàrrigu".
Cun custus fueddus su segretàriu regionali de su "Partito Democratico", Silvio Lai, at annunziau sa decisoni de presentai una mozioni de discunfiànzia in is cunfrontus de su presidenti de sa Giunta Ugo Cappellacci.
Sa mozioni - at precisau Lai - at essi presentada "no po is spricullitus o is reatus chi forsis at fattu e chi spereus siant acraraus negativamenti, ma poita nos si bolleus pigai sa responsabbilidadi de no sighiri in d'una istrada chi at a impidiri a sa Sardigna de si ndi torrai a pesai".
A sa dimanda de dimissionis si funt unias is àteras forzas de s'alleànzia: sa mozioni de discunfiànzia at essi presentada de totu su centrusinistra. "A s'afuscu e a sa paràlisi amministrativa - at nau su consilleri de Sinistra Ecologia e Libertà Luciano Uras - est de preferiri su votu antizipau. In custas diris sa mozioni de discunfiànzia est su mesu prus adatu po berificai si custa legisladura podit sighiri su traballu suu".
"Si est tontesa o disonestadi importanti po sa fedina penali sua - at aciuntu su segretàriu regionali de su Prc Gianni Fresu - tocat a sa magistradura a ddu stabbiliri, una cosa est segura, su tempus benidori de su pópulu sadru no podint essi lassau in is manus de unu Presidenti, po atrogu suu, 'babbalucu'".
Prima a dimandai is dimissionis de Cappellacci po s'afari de s'eolicu furiat perou stetia, giai duus mesis fait, Claudia Zuncheddu, presidenti de is Rossomori. "Cappellacci - iat declarau - est unu brazu fideli de órdinis chi no si curant de is interessus de is sadrus. Lassit s'incàrrigu".
© RIPRODUZIONE RISERVATA