Cumenzat sa IV edizioni de s'"Olbia Rock": 23 band chi no tenit ancora fama asuba de su palcu de su Moru Brin

(IlMinuto) – Casteddu - 26 de su mes''e argiòlas - Arribbat a sa VI edizioni s'"Olbia Rock" - Universus Musicalis in Movimentu, su festival de s'istadi dedicau a is grupus musicalis chi no tenit ancora fama. De su 28 a su 31 de su mes''e argiòlas, a cumenzai de is 21.00, su Moru Brin de su Comunu de Terranòa s'at a animai po su cuncursu chi at a biri arziai in su palcu 23 band.
Senz''e pigai dinai e cun s'intrada a gratis, sa manifestada tenit s'obbietivu de avalorai a su mellus is capassidadis mannas de is grupus chi no funt ancora famosus "senz''e castiai - si podit ligiri in d'una nota - "a su tipu de música, a sa nàscida, a s'arraza e a sa religioni".
S'eventu, aprontau de Stefano Biancu, Marco Masia, Ninni Chessa e Daniele Petta cun s'agiudu de su comunu de Terranòa e de is sponsor, at a donai sa possibbilidadi a sa primu band in classífica de s'ammostai asuba de su palcu de su M.E.I Fest de Faenza, chi si tenit in su mes''e totussantus.