In Casteddu sa XXVIII edizioni de sa "Notte dei Poeti"
(IlMinuto) – Casteddu, 13 de su mes''e argiòlas - At a cumenzai cras a is 21.30, in is aposentus de su Teatru Cívicu in Casteddu 'e susu, sa XXVIII edizioni de sa "Notte dei Poeti".
Reina manna de su festival culturali tanti abetau e aprontau de su Cedac at essi comenti dogn'annu sa poesia. Fueddus chi incarnant sentidus, emozionis, bisionis ant essi su mezu chi espressat s'eventu. Un'excursus teatrali - si ligit in d'una nota - "chi tenit in su coru suu testus de sa tradizioni clàssica, moderna e contemporanea, interpretaus de is artistas nazionalis prus mannus, imbrassendi poesia, prosa, música e danza".
Diversus is apuntamentus chi ant a fai arrica s'edizioni de ocannu: de is presentazionis de líbburus a is afàjus a foras de su palcu, a is atóbius chi "ant a biri is protagonistas de is ispetàculus in programma contendusì e cunfrontendusì cun su púbblicu".
At a oberri su festival sa Prima Nazionali de "Un canto per Ecuba", a sighiri danza, música e ancora "fueddus".
Sa "Notte dei Poeti" at a serrai su sipàriu su 29 de su mes''e argiòlas cun s'ispetàculu "Dal vapore ti scrivo", dirigiu de Romano Usai, e cun is coreografias de Carla Calcaterra (Circúitu Regionali de sa Danza in Sardigna 2010).
Reina manna de su festival culturali tanti abetau e aprontau de su Cedac at essi comenti dogn'annu sa poesia. Fueddus chi incarnant sentidus, emozionis, bisionis ant essi su mezu chi espressat s'eventu. Un'excursus teatrali - si ligit in d'una nota - "chi tenit in su coru suu testus de sa tradizioni clàssica, moderna e contemporanea, interpretaus de is artistas nazionalis prus mannus, imbrassendi poesia, prosa, música e danza".
Diversus is apuntamentus chi ant a fai arrica s'edizioni de ocannu: de is presentazionis de líbburus a is afàjus a foras de su palcu, a is atóbius chi "ant a biri is protagonistas de is ispetàculus in programma contendusì e cunfrontendusì cun su púbblicu".
At a oberri su festival sa Prima Nazionali de "Un canto per Ecuba", a sighiri danza, música e ancora "fueddus".
Sa "Notte dei Poeti" at a serrai su sipàriu su 29 de su mes''e argiòlas cun s'ispetàculu "Dal vapore ti scrivo", dirigiu de Romano Usai, e cun is coreografias de Carla Calcaterra (Circúitu Regionali de sa Danza in Sardigna 2010).
© RIPRODUZIONE RISERVATA