Cappellacci no arrit prus? In Consillu Mozioni po ndi ddi liai sa fidúcia e in bia Roma sa protesta de is precarius de s'iscola
(IlMinuto) – Casteddu - 27 de su mes''e argiòlas - Sa Giunta Cappellacci tenit is diris contadas. Su dibbàtidu de sa mozioni po ndi liai sa fidúcia presentada in Consillu regionali at difatis postu ancora una borta in evidénzia is ànsias de sa majoria de centrudestra.
Esti stetiu de ferru s'interventu de Paolo Maninchedda (Psdaz). "Est apretosu - at nau su rapresentanti sardista - s'annullamentu de sa Giunta e su mantessi cambiu 'e passu".
Críticu puru s'interventu de Nanni Campus (Pdl). "Sa majoria - at precisau s'ex síndhigu de Tàtari - si limitat a gestiri e no a guvernai". Su rinnou de Giunta - a custu puntu est seguru - at a benni duncas tra pagu tempus (e seus fueddendi de un'esecutivu regionali chi in 14 mesis at calcolau duus assessoris de su "Lavoro", duus assessoris de s'"Industria" e tres assessoris de s'"Ambiente").
Filu arrúbiu tra is interventus de is consilleris de su centrusinistra esti stetiu s'affaire eolicu.
"Ti auguru de bessiri intreu de custa acuntéssia", at nau Carlo Sechi (Sel) rivolgiu a su presidenti de sa Regioni.
Augúriu no cundividiu de Massimo Zedda (puru issu militat in su movimentu de Niki Vendola). "Fustei - at precisau Zedda - at promitiu s'arrisu a is sadrus e in custu no at nau fàulas: is impedhuleris ant arrisu".
"Intendu dolu e arràbiu - at acrarau Francesca Barracciu (Pd) - po s'isciàsciu fattu de Cappellacci a sa Sardigna in pagu prus de un'annu".
Giorgio Locci (Pdl) at acusau s'oposizioni de fingimentu. "Cappellacci s'agatat in sa mantessi acuntéssia de Soru presindenti (si fueddat de s'acuntéssia Saatchi, ndr)".
Soru chi perou esti stetiu aclamau de parti de is casi 500 manifestantis chi custu mangianu ant participau a su sit in aprontau a fac''e sa sedi de su Consillu regionali po pediri, própriu, is dimissionis de Cappellacci.
"Babbei si nasce precari si diventa", si podiat ligiri in su cartellu de is Precarius de s'Iscola chi a fac''e mesudì funt lompius in Casteddu cun su "Treno della Cultura", partiu a is 8.00 de Tàtari: una manifestada chi esti promòvia de su cordinamentu de is precarius de Tàtari e a pustis acozada de is comitaus de Casteddu, Utieri, Terranòa, S'Alighera a Aristanis. Is traballantis de s'iscola si funt unius a sa protesta "antiCappellacci" a facc''e su Consillu, tra is bandheras de sa Cgil, de su Prc, de is Rossomori, de su Css e de sa Gilda.
"Unu guvernu nazionali e regionali - precisat una nota de su 'Comitato Precari Scuola Cagliari' - no funt dignus de esisti si no imbistint in sa primu risorsa de unu Stadu e de una Regioni: s'istruzioni, sa formazioni, sa ricerca, sa cultura de is próprius citadinus".
Esti stetiu de ferru s'interventu de Paolo Maninchedda (Psdaz). "Est apretosu - at nau su rapresentanti sardista - s'annullamentu de sa Giunta e su mantessi cambiu 'e passu".
Críticu puru s'interventu de Nanni Campus (Pdl). "Sa majoria - at precisau s'ex síndhigu de Tàtari - si limitat a gestiri e no a guvernai". Su rinnou de Giunta - a custu puntu est seguru - at a benni duncas tra pagu tempus (e seus fueddendi de un'esecutivu regionali chi in 14 mesis at calcolau duus assessoris de su "Lavoro", duus assessoris de s'"Industria" e tres assessoris de s'"Ambiente").
Filu arrúbiu tra is interventus de is consilleris de su centrusinistra esti stetiu s'affaire eolicu.
"Ti auguru de bessiri intreu de custa acuntéssia", at nau Carlo Sechi (Sel) rivolgiu a su presidenti de sa Regioni.
Augúriu no cundividiu de Massimo Zedda (puru issu militat in su movimentu de Niki Vendola). "Fustei - at precisau Zedda - at promitiu s'arrisu a is sadrus e in custu no at nau fàulas: is impedhuleris ant arrisu".
"Intendu dolu e arràbiu - at acrarau Francesca Barracciu (Pd) - po s'isciàsciu fattu de Cappellacci a sa Sardigna in pagu prus de un'annu".
Giorgio Locci (Pdl) at acusau s'oposizioni de fingimentu. "Cappellacci s'agatat in sa mantessi acuntéssia de Soru presindenti (si fueddat de s'acuntéssia Saatchi, ndr)".
Soru chi perou esti stetiu aclamau de parti de is casi 500 manifestantis chi custu mangianu ant participau a su sit in aprontau a fac''e sa sedi de su Consillu regionali po pediri, própriu, is dimissionis de Cappellacci.
"Babbei si nasce precari si diventa", si podiat ligiri in su cartellu de is Precarius de s'Iscola chi a fac''e mesudì funt lompius in Casteddu cun su "Treno della Cultura", partiu a is 8.00 de Tàtari: una manifestada chi esti promòvia de su cordinamentu de is precarius de Tàtari e a pustis acozada de is comitaus de Casteddu, Utieri, Terranòa, S'Alighera a Aristanis. Is traballantis de s'iscola si funt unius a sa protesta "antiCappellacci" a facc''e su Consillu, tra is bandheras de sa Cgil, de su Prc, de is Rossomori, de su Css e de sa Gilda.
"Unu guvernu nazionali e regionali - precisat una nota de su 'Comitato Precari Scuola Cagliari' - no funt dignus de esisti si no imbistint in sa primu risorsa de unu Stadu e de una Regioni: s'istruzioni, sa formazioni, sa ricerca, sa cultura de is próprius citadinus".
© RIPRODUZIONE RISERVATA