Apuntamentus: in Turri sa Sagra de su Messóngiu e de sa Tréula
(IlMinuto) - Casteddu, 2 de su mes''e argiòlas - S'at a tenni domínigu 4 de su mes''e argiolas in Turri sa Sagra de su Messóngiu e de sa Tréula de su trigu, una manifestada - si ligit in d'una nota - chi "bollit ammentai sa mimória istorica de is àvius nostrus". S'eventu s'at a tenni in su "Parco degli Ulivi", chi po s'ocasioni at fai de argiola.
Innoi ddoi ant essi puru is demostrazionis pràtigas de su traballamentu de su trigu. Sa cosa at a cumenzai de s'obbréscida cun su messóngiu fattu comenti a s'antigu, s'assentadura de is màigas e su càrrigu in su carru 'e bóis.
Su furisteri chi at a andai in sa biddixedda de su Campidanu de Mesu at a tenni sa possibbilidadi de assistiri a duus tipus de tréula: cussa cun su giuabi e cussa cun sa trébbia mecànica. At a podi puru osservai e participai in primu persona a is atividadis de su messóngiu e de sa spigadura.
Medas ant essi is apuntamentus animaus de sa cosa 'e papai e de su divertimentu. A mesu mangianu est previdiu su murzu, mentris protagonista de su merì at essi "Sa Marraconada". No ant a mancai is atastus de su pani 'e su logu.
Ant a fai arrica sa sagra puru una mostra mercau de is prodotus de su territoriu, s'isfilada de is tratoris antigus, una mostra de fotografias curada de s'archíviu istoricu de sa Pro-loco e una cumédia teatrali in língua sadra.
Innoi ddoi ant essi puru is demostrazionis pràtigas de su traballamentu de su trigu. Sa cosa at a cumenzai de s'obbréscida cun su messóngiu fattu comenti a s'antigu, s'assentadura de is màigas e su càrrigu in su carru 'e bóis.
Su furisteri chi at a andai in sa biddixedda de su Campidanu de Mesu at a tenni sa possibbilidadi de assistiri a duus tipus de tréula: cussa cun su giuabi e cussa cun sa trébbia mecànica. At a podi puru osservai e participai in primu persona a is atividadis de su messóngiu e de sa spigadura.
Medas ant essi is apuntamentus animaus de sa cosa 'e papai e de su divertimentu. A mesu mangianu est previdiu su murzu, mentris protagonista de su merì at essi "Sa Marraconada". No ant a mancai is atastus de su pani 'e su logu.
Ant a fai arrica sa sagra puru una mostra mercau de is prodotus de su territoriu, s'isfilada de is tratoris antigus, una mostra de fotografias curada de s'archíviu istoricu de sa Pro-loco e una cumédia teatrali in língua sadra.
© RIPRODUZIONE RISERVATA