Strossa de paxiosus: in 300 in Casteddu contra a "su barbaru atu terroristicu" de is forzas armadas israelianas

(IlMinuto) – Casteddu, 2 de su mes''e làmpadas - Puru Casteddu est cabada in praza po cundennai sa strossa - fatta de is forzas armadas israelianas in su noti tra su 30 e su 31 de su mes''e maju - de is dexi civilis chi furiant asuba de is nais de sa Flotilla Freedom chi furiat andendi a bia de sa Striscia de Gaza po portai agiudus umanitarius a su pópulu  palestinesu.
Ariseru a merì funti stetias difatis pagu prus de 300 is personas chi ant participau a su sit in in su Bastioni de San Remy promòviu de s'assóziu "Amicizia Sardegna Palestina": medas bandheras palestinesas, militantis e símbulus de is partidus de sa sinistra, ativistas de is movimentus indipendetistas de Sni, de is movimentus socialis e de is sindacaus de basi, citadinus e meda giòvanus ant nau ancora una borta "Frimaus su massacru" e ant cundennau su "barbaru e miseràbbili atu terroristicu chi no arrespetat nesciuna de is prus piticas normas de umanidadi e de cussas de decénzia".