"Spinoza, un libro serissimo": in Tàtari sa presentada de su líbburu

(IlMinuto) – Casteddu, 7 de su mes''e làmpadas - "Dexi ferius puru tra is sordaus israelianus. Candu furiant afestendi s'acuntéssia". Est custa una de is botadas carrigadas in is diris passadas in su blog Spinoza.it, su situ cómicu italianu prus connotu in "crowdsourcing", est a nai fattu cun is argumentus mandaus de chini ligit.
"Una praza virtuali - si ligit in d'una nota - aundi sa genti s'agatat po cummentai, in modu befianu, sa realidadi chi ddoi est ingíriu ingíriu, cun botadas apassionadas e fridas, po mori de is calis s'arrit e, a pustis de pagus segundus, si scramorat: 'est própriu beru!!!', acabbonu cun d'una punta de tristesa".
Is botadas arribbadas in su situ e no pubbricadas funt prus de duxentumilla. Cussas prus bellas e cun sinnificaus prus fortis funti stetias sceberadas e arregortas in "Spinoza, un libro serissimo". Su líbburu, curau de Stefano Andreoli e Alessandro Bonino cun sa presentada de Marco Travaglio, at essi presentau custu merì in Tàtari (18.30, 'Dopolavoro' ferroviàriu).
In s'apuntamentu ddoi ant essi puru Massimiliano Lai, Franco Sardo e Alberto Cacciarru, tra is autoris sadrus de su blog.