Sinistra Ecologia e Libertà divídia po s'assessori provinziali in Casteddu
(IlMinuto) - Casteddu, 28 de su mes''e làmpadas - "Tocat a dd'acabbai cun sa política bécia, bolleus unu partidu nou". Est cantu pedint cun d'unu documentu mandau a s'imbasciadori regionali de Sinistra Ecologia e Libertà, Carlo Sechi, 80 dirigentis e militantis de su movimentu de Nichi Vendola.
"Cantu est acontessiu po sa nómina de s'assessori (provinziali de Casteddu, ndr) - afirmant is firmatarius - est cantu de prus atesu si proponit una scuadra política noa comenti Sinistra Ecologia e Libertà".
Tra is firmatarius de sa cosa contra a sa "política bécia" agataus nòminis de pesu comenti cussu de su consilleri regionali de Sel Luciano Uras (elígiu in su 2009 cun su símbolu de su Prc e a pustis de pagu tempus passau in is giuabis de su movimentu de Vendola) e cussu de s'assessori provinziali chi at finiu de pagu tempus su mandau Ignazio Tolu.
Ogetu de su certu est sa nómina de s'assessori "de Sel" in sa benidora Giunta proviziali de Casteddu. Is firmatarius de su documentu batacollant asuba de is tempus e de is modus usaus po propòniri s'imbasciadori provinziali de Sel, Mariano Strazzeri, comenti únicu candidau de su movimentu de Vendola po s'incàrrigu de assessori.
Su cordinamentu provinziali de su 19 de su mes''e làmpadas passau iat difatis aprovau - si ligit in su documentu - "unu sceberu de nòminis de fai biri a su presidenti Milia, de custu fadiant parti puru s'assessori chi at finiu su mandau Ignazio Tolu, s'imbasciadori provinziali 'e totu Mariano Strazzeri e is cumpàngius Pino Cogodi e Clara De Sousa".
"Custu sceberu de nòminis - sighit su scritu - scideus essi giai stetiu donau a su presidenti de sa Provìnzia. Puru po custu no si cumprendint is arrexonis chi lamant a un'àtera reunioni de su cordinamentu provinziali po su mangianu de sàbudu 26 de su mes''e làmpadas, atressu sa mandada de unu sms, arriciu puru meda a tradu de is cumpàngius, est a nai in su merì de su 25 de su mes''e làmpadas. S'impossibbilidadi materiali de dimandai unu rinviu de sa reunioni, is impignus pigaus ainnantis de casi totus is cumpàngius de su cordinamentu, ant portau a medas ausenzias. Nonostanti custu, chini furiat presenti at decídiu de aprovai unu documentu chi, senz''e nesciuna crara utilidadi e senz''e nesciuna arrexoni po Sel, delíbberat s'impiticamentu de sa lista cun sa presentada de su nòmini de s'imbasciadori provinziali e de nesciun'àteru nòmini".
"Cussu chi ti bolleus nai est ca po nos - narat su documentu mandau a Carlo Sechi - cussu chi esti stetiu dellibberau de un'organísimu ammesau aundi no ddoi furiant totus no tenit nesciunu balori e ca pensaus siat dannosa e assolutamenti baganti e de pagu profetu sa gestioni de s'imbasciadori provinziali. (...) Est mancau s'avincu de fidúzia chi puru nos iaus donau a s'imbasciadori provinziali scéti calincunu mesi fait".
"Cantu est acontessiu po sa nómina de s'assessori (provinziali de Casteddu, ndr) - afirmant is firmatarius - est cantu de prus atesu si proponit una scuadra política noa comenti Sinistra Ecologia e Libertà".
Tra is firmatarius de sa cosa contra a sa "política bécia" agataus nòminis de pesu comenti cussu de su consilleri regionali de Sel Luciano Uras (elígiu in su 2009 cun su símbolu de su Prc e a pustis de pagu tempus passau in is giuabis de su movimentu de Vendola) e cussu de s'assessori provinziali chi at finiu de pagu tempus su mandau Ignazio Tolu.
Ogetu de su certu est sa nómina de s'assessori "de Sel" in sa benidora Giunta proviziali de Casteddu. Is firmatarius de su documentu batacollant asuba de is tempus e de is modus usaus po propòniri s'imbasciadori provinziali de Sel, Mariano Strazzeri, comenti únicu candidau de su movimentu de Vendola po s'incàrrigu de assessori.
Su cordinamentu provinziali de su 19 de su mes''e làmpadas passau iat difatis aprovau - si ligit in su documentu - "unu sceberu de nòminis de fai biri a su presidenti Milia, de custu fadiant parti puru s'assessori chi at finiu su mandau Ignazio Tolu, s'imbasciadori provinziali 'e totu Mariano Strazzeri e is cumpàngius Pino Cogodi e Clara De Sousa".
"Custu sceberu de nòminis - sighit su scritu - scideus essi giai stetiu donau a su presidenti de sa Provìnzia. Puru po custu no si cumprendint is arrexonis chi lamant a un'àtera reunioni de su cordinamentu provinziali po su mangianu de sàbudu 26 de su mes''e làmpadas, atressu sa mandada de unu sms, arriciu puru meda a tradu de is cumpàngius, est a nai in su merì de su 25 de su mes''e làmpadas. S'impossibbilidadi materiali de dimandai unu rinviu de sa reunioni, is impignus pigaus ainnantis de casi totus is cumpàngius de su cordinamentu, ant portau a medas ausenzias. Nonostanti custu, chini furiat presenti at decídiu de aprovai unu documentu chi, senz''e nesciuna crara utilidadi e senz''e nesciuna arrexoni po Sel, delíbberat s'impiticamentu de sa lista cun sa presentada de su nòmini de s'imbasciadori provinziali e de nesciun'àteru nòmini".
"Cussu chi ti bolleus nai est ca po nos - narat su documentu mandau a Carlo Sechi - cussu chi esti stetiu dellibberau de un'organísimu ammesau aundi no ddoi furiant totus no tenit nesciunu balori e ca pensaus siat dannosa e assolutamenti baganti e de pagu profetu sa gestioni de s'imbasciadori provinziali. (...) Est mancau s'avincu de fidúzia chi puru nos iaus donau a s'imbasciadori provinziali scéti calincunu mesi fait".
© RIPRODUZIONE RISERVATA