Pensai "in d'un'àteru modu" bia Fara: Urban center presentat sa proposta po salvai su campixeddu istoricu

(IlMinuto) – Casteddu, 10 de su mes''e làmpadas - Salvai su campixeddu de bia Fara de su ciumentu. Sighit a si bati po custa càusa su cumitau Urban Center, chi at aprontau po cras a merì in Casteddu un'atóbiu púbblicu in s'àula de sa facoltadi de Architetura de bia Corte d’Appello.
A s'apuntamentu funti stetias imbidadas totus is partis in càusa: amministrazioni, impresa Puddu, citadinus, istudiantis e espertus. Su Cumitau ponit in discussioni su pranu precisu de recúperu de Stampaxi aprovau su 30 de su mes''e marzu passau, chi previdit su cumprimentu de parchegius, butegas e domus in s'area tra Santa Margherita e bia Fara, senz''e risparmiai nemmancu s'istoricu campixeddu de su cuarteri.
In su merici de cras unu grupu de istudiantis de Architetura de su cumitau at a ponni in sa mesa una proposta de mudífica de su progetu, una proposta chi si podit fai cun facilidadi - est nau in d'una nota - "si scéti su Comunu iat a propòniri a s'impresa Puddu una cuncàmbia urbana 'perequativa', libberendi, in favori de s'impiegu púbblicu, una fita meda manna de sa subrafaci a livellu de sa bia Santa Margherita".

Po ndi sciri de prus:
http://www.ilminuto.info/notizia.php?id_notizia=2146