Open Water Challenge: cuatru diris de sport e de divertimentu in is arenàrgius de sa zona de Aristanis

(IlMinuto) – Casteddu, 8 de su mes''e làmpadas - Cuatru diris de atividadis sportivas meda intendias, cun isfidas tra is nòminis prus connotus de su kitesurf e de su windsurf mundialli. Cuatru diris de ispetàculus e de divertimentus po is turistas e po is residentis. Est custu su programma de sa primu edizioni de s'Open Water Challenge, in programma in is arenàrgius de sa zona de Aristanis de is 10 a su 14 de su mes''e làmpadas.
S'eventu - acrarant is aprontadoris - tenit obbietivu po "avalorai e donai ímpitu a s'oferta turistica de su territoriu de Aristanis faendi nasci unu modu nou de fai vacanza, cun d'un'oferta diversa de cussa chi si fai de sólitu cun sport, mari e divertimentu".
Una diversa bidea po sa promozioni de su turismu de sa zona de Aristanis, est a nai chi nascit de s'apógiu de su "Sistema Turistico Locale Centro Occidentale Eleonora D'Arborea", de sa Provìnzia de Aristanis e s'Osa Srl.
Sa primu edizioni de s'eventu previdit unu programma meda arricu de garas: de su "Sinis Endurance", una gara a frimadas po tretus mannus po windsurf e kitesurf in is àcuas de sa Penísula de su Sinis, a s'isfida po tretus mannus de su "Paddle Marathon", a is garas de beach volley e de àterus sport de mari. Po is noizus funt previdis puru lezionis gratis e test po is atretzaduras de windsurf e de kite.