Microcréditu: in Aristanis sa segunda assembrea de Sa Circhiolla

(IlMinuto) – Casteddu, 8 de su mes''e làmpadas - Aprofundai sa bidea de microcréditu comunu. At essi custu unu de is obbietivus de sa segunda assembrea de sa mesa indipendentista Sa Circhiolla, in programma po su 20 de su mes''e làmpadas in Aristanis (Ristoranti Pizeria Millennium, 9.00).
"A pustis de s'atóbiu de Gonnesa de su 14 de su mes''e marzu passau, is aprontadoris - si ligit in d'una nota - bollint propòniri un'apuntamentu nou chi serbat po apassai de s'assuntu generali a is temas chi fazant cinnu a is realidadis de su territoriu, cun sa costruzioni de progetus po su crescimentu de s'economia e s'isvilupu de sa cultura, de su traballu e de s'educassioni in su territoriu de sa Sardigna".
Cun su proponimentu de promòviri s'isvilupu de is realidadis de su territoriu at essi puru presentau su progetu "Laboratorio".