Massaria. Sa Cia scririt a Cappellacci e Prato: "Impresas in is manus de is bancas e de is speculéris"

(IlMinuto) – Casteddu, 14 de su mes''e làmpadas - "Est arribbau su tempus de is arrespustas. Sa massaria, sa zootennia e is areas de s'internu de sa Sardigna tenint bisóngiu de certesas e de lestresa manna". Est cantu afirmat su presidenti provinziali de Casteddu de sa "Confederazione italiana agricoltori", Francesco Erbì, cun d'una lítera operta a su Presidenti de sa Regioni, Ugo Cappellacci, e a s'assessori regionali de s'"Agricoltura", Andrea Prato.
"Funti stetius medas is impignus pigaus in sa campagna eletorali de un'annu e mesu fait", precisat Erbì. "Medas funt is declarazionis de s'Assessori regionalis de s'"Agricoltura" chi fueddant de risorsas disponibilis, de soluzionis cumenzadas, ca po su prus perou no funti stestias mantennias. In sa realidadi, is aziendhas de is massajus e is impresas funt in is manus de is bancas e de is speculeris finanziarius". In sa lítera Erbì analizant su stadu de sa massaria sadra e elencat is soluzionis studiadas de sa Cia. Is dimandas de sa "Conferedazione italiana agricoltori" podint forsis essi resumias un d'unu fueddu: pianificazioni.
"Andat costruiu unu pranu!", scramorat  Erbì. "Depeus - concluit su presidenti provinziali de sa Cia - sciri cali iat a essi su benidori de su mundu produtivu agro-zotennicu. Sa política tenit unu sensu si signat e disignat puru is aficus. Custu aficu no podit essi cussu de scodronai de s'"ovinocoltura" sadra, obbietivu cuau a pabas de s'acórdiu firmau cun sa Romania po sa saca de s'esperiénzia, de is ténnicas produtivas de su casu e de calisiollat prodotu pubblicizau".