Massaria: féminas protagonistas po fai sa bíngia e su binu. In Casteddu cunvegnu po chistionai de "binu fattu de is féminas"

(IlMinuto) - Casteddu, 23 làmpadas - Crescit de annu in annu sa presénzia de is féminas, comenti imprendidoras e traballantis, in d'unu de is cumpartus prus importantis de s'economia de sa Sardigna: sa "vitivinicoltura".
At essi custu su tema de su cunvegnu "Binu ‘e feminas? Novità e qualità se il vino è 'in rosa'", in programma cenàbara chi benit in Casteddu (9.00, saba cunvegnus de sa Càmara de Cumérciu).
A su progetu - promòviu de sa Consillera regionali de "Parità" Luisa Marilotti - ant a participai s'assessori regionali de su "Lavoro", Franco Manca, s'assessori regionali de s'"Agricoltura", Andrea Prato, e sa presidenti de sa Commissioni Regionali "Pari Opportunità" Luisella Derosas.
"Oi - acrarat Luisa Marilotti - puru in Sardigna, is féminas si funt cualifichendi cun d'unu pesu sèmpiri prus mannu in d'unu cumpartu de sèmpiri e po su prus in poderíu de is óminis, portendi creatividadi e novidadis, cun professionalidadi e connoscénzia meda manna".