Massaria: in Casteddu unu mercau nou po sa béndhida de su massaju a su clienti

(IlMinuto) – Cagliari, 4 de su mes''e làmpadas - Puru Casteddu, comenti giai Tàtari e Nùgoro, at a tenni unu mercau de massajus po sa béndhida direta a su clienti.
Is fascellus ant essi ammainaus dógnia gióbia a mangianu in praza "dei Centomila". Sa Giunta at difatis aghilliu cun praxeri sa proposta de sa Coldiretti, chi giai in àterus logus de sa Sardigna at dimustrau de favorèssiri s'isvilupu de su territoriu.
"Cust'atuamentu - ant declarau is assessoris de is "Finanze" e de s'"Urbanistica", Gabriele Asunis, e de s'"Agricoltura", Andrea Prato – puntat a avalorai e a agiudai is impresas sadras de is massajus atressu de unu progetu ambiziosu chi si de unu latu circat de favorèssiri su 'made in Sardinia' comenti risorsa economica, de s'àteru circat de allargai sa bidea de identidadi e de territorialidadi cun d'una de is formas de unioni prus antigas tra su mundu citadinu e su mundu rurali: su mercau, in su mantessi coru de sa citadi".