Iscola: fortuna de s'isciòpiru de is scrutinus. Blocaus 1200 consillus de classi in totu s'Ísula

(IlMinuto) – Casteddu, 15 de su mes''e làmpadas - In seti regionis italianas 5milla scrutinus de fai in diris ancora de fissai. 1200 consillus de classi blocaus in totu s'Ísula. Est custu su bilànciu de is primus duas diris de s'isciòpiru avisau po nai no a is tàglius chi su Guvernu at fattu a s'iscola pubblica: 5.738 postus de traballu in tres annus scéti in Sardigna.
Sa lamada de is Cobas de s'iscola at otentu una fortuna meda manna puru in sa provìnzia de Aristanis. "Medas iscolas superioris - si ligit in d'una nota de su 'Coordinamento Precari Oristano' - ant biu blocadas po intreu is atividadis de is scrutinus (comenti ant fattu s'Istitutu Magistrali Croce, s'IIS de Terràrba-Mòguru-Abas, su liceu scientificu Mariano IV e calincuna sedi istacada comenti IC de Terràrba e de Mòguru)".
"Sa participazioni, s'ispíritu de fitura e de solidariedadi chi funt bessius a pillu de cust'isciòpiru - concluit su Cordinamentu - faint isperai po su tempus benidori chi s'at a zerriai un'àtera borta a sa protesta e a sa lota po sa difesa de su diritu a su traballu e po un'iscola púbblica, làica e cumpata".