Css escludia de su Crel. Meloni: "Premiaus is sindacaus chi no ddoi funt mai"

(IlMinuto) - Casteddu, 22 de su mes''e làmpadas - Sa Giunta regionali at escludiu sa "Confederazione Sindacale Sarda" de sa cumponidura de su Consillu regionali economia e traballu. Est cantu denunciat cun d'una notixedda in Facebook su segretariu nazionali de sa Css, Giacomo Meloni.
Su Crel est un'òrganu de circa e de istudiu a disposta de sa Giunta regionali, aundi is àteras forzas sindacalis de tipu cunfederali funt rapresentadas e no pagu.
"Unu cumprendóniu políticu - at nau Meloni - iat ai bófiu ca in custa organizazioni ddoi fessant rapresentaus totus is sindacaus cunfederalis chi funt in Sardigna, in veci ancora una borta est andada ainnatis sa sparzimenta de is postus in basi a sa puténzia de cussus chi tenint nùmerus prus mannus, chi, tra s'àteru, in is annus passaus ant brigliau po is ausenzias. Su postu seguru ma sa cadira búida".
Tra is forzas sindacalis funti stetias lamadas a fai parti de su Crel sa Cgil, Cisl, Uil, Ugl e Cisal. Su marigosori po s'esclusioni de su Crel no firmat perou sa Css, chi at annunziau sa participazioni a is manifestazionis in ocasioni de s'isciòpiru de su 25 de su mes''e làmpadas e a sa mobilitazioni contra a sa presénzia nucleari in Ísula in ocasioni de su referendum de cust'atóngiu.