Anzianus chi tenint disabbilidadis: in Nùgoro totus is novas de su welfare in d'un'únicu isportellu

(IlMinuto) - Casteddu, 4 de su mes''e làmpadas - Inpdap, Inps, Inail, Provìnzia, Comunu, Asl: de immoi ainnantis is anzianus chi tenint disabbilidadis (e is famílias insoru) e bivint in provìnzia de Nùgoro ant a podi otèniri totus is novas de su welfare in d'un'isportellu dedicau a totus.
Est cantu previdit su serbíziu "Tuttoinuno", chi funzionat dógnia primu e terzu martis de su mesi in sa sedi de sa Direzioni Provinziali de s'Inpdap (10.00-13.00).
"Su progetu - si ligit in d'una nota - esti stetiu creau grazias a s'agiudu de is entis púbbricus, po fai in modu ca is personas chi bivint in circustànzias de discumbéniu sociali e sanitàriu possant otèniri totus is novas chi pertocant is serbízius donaus de dógnia enti".
In is ufícius Inpdap de bia La Marmora dd'ant essi duncas is funzionàrius de dógnia enti. Dognunu, in basi a is cumpeténzias suas, at a donai is novas chi pertocant is modus po podi otèniri is serbízius.