"Who we are? Where are we going?": s'arti de Maria Jole Serreli in mostra in Londra de su 14 de su mes''e maju

(IlMinuto) – Casteddu, 5 de su mes''e maju - Is òperas de Maria Jole Serreli faint sa própriu intrada in is prus bàlidus circúitus internazionalis.
De su 14 de su mes''e maju a su 14 de su mes''e làmpadas sa Tiffinbites Restaurant Gallery de Londra at a aghilliri "Who are we? Where are we going? (Chini seus? Aundi andaus?)", sa mostra personali noa de sa pintora e scultora de Terràrba. In sa mostra ant essi aparadas 25 pinturas e unus cantu sculturas.
Cun sa mostra, s'artista sadra bollit scruculliai "su misteru de s'esisténzia partendi de sa segretesa de sa própriu ànima". Serreli - est acrarau in d'una nota - "at a sighiri is próprius òperas in Londra, aundi at a fai àterus traballus e telas meda mannas, chi ant a acumpangiai is produzionis fattas in Sardigna".
A sa mostra londinesa s'ant a acostai una fibera de aparadas parellelas: sa primu at essi aghillia in Bilàrtzi de su 15 de su mes''e maju a su 2 de su mes''e làmpadas, in is aposentus comunalis "Agorà", in praza San Palmerio.