Sanna (Pd), "Italia dei Valori alleada cun su Pdl e cun sa Lega contra a s'incompatibilidadi tra senadoris e consilleris regionalis"
(IlMinuto) – Casteddu, 6 mes''e maju - "Nesciunu podit essi in su própriu momentu in Consillu o Giunta regionali e in una de is Càmaras de su Parlamentu".
Est cantu afirmat s'artículu 122 de sa Costituzioni de sa Repúbbrica. Grazias "a un'istrambeca alleànzia tra Pdl, Lega Nord e Idv" - denunciat cun d'una nota su parlamentari de su Pd Francesco Sanna - is senadoris chi funti stetius elígius de pagu in Consillu regionali ant a tenni perou ancora unu pagheddu de tempus po sceberai tra is duus incàrrigus incompatibilis po sa Carta costituzionali.
"Un'alleànzia istrambeca tra Pdl, Lega Nord e Idv - scririt s'esponenti de su Pd - at impediu a sa Giunta de is elezionis e de is immunidadis parlamentaris de su Senau de dimandai a is parlamentaris elígius in is elezionis regionalis chi si funt tentas de pagu, e chi funt incompatibilis po mori de s'artículu 122 de sa Costituzioni, de scebari cali incàrrigu portai ainnantis: si cussa de parlamentari o cussa de consilleri regionali".
"Cun su votu contràriu de su Pd ma cun cussu positivu e decisivu de s'Idv - scririt Sanna - sa majoria de sa Giunta at preferiu crastinai sa própriu delíbberazioni".
"Cussu chi est acontessiu - narat su senadori - est senz''e lógica. A fac''e unu detau meda claru de sa Costituzioni nostra eus intendiu ingírius de fueddus: 'is senadoris-consilleris ant a sciri de essi stetius elígius in Regioni? Si podeus fidai de is novas de imprenta? Po comenti funzionant is Postas, forsis is senadoris-consilleris no ant arriciu s'atu de incàrrigu".
Est cantu afirmat s'artículu 122 de sa Costituzioni de sa Repúbbrica. Grazias "a un'istrambeca alleànzia tra Pdl, Lega Nord e Idv" - denunciat cun d'una nota su parlamentari de su Pd Francesco Sanna - is senadoris chi funti stetius elígius de pagu in Consillu regionali ant a tenni perou ancora unu pagheddu de tempus po sceberai tra is duus incàrrigus incompatibilis po sa Carta costituzionali.
"Un'alleànzia istrambeca tra Pdl, Lega Nord e Idv - scririt s'esponenti de su Pd - at impediu a sa Giunta de is elezionis e de is immunidadis parlamentaris de su Senau de dimandai a is parlamentaris elígius in is elezionis regionalis chi si funt tentas de pagu, e chi funt incompatibilis po mori de s'artículu 122 de sa Costituzioni, de scebari cali incàrrigu portai ainnantis: si cussa de parlamentari o cussa de consilleri regionali".
"Cun su votu contràriu de su Pd ma cun cussu positivu e decisivu de s'Idv - scririt Sanna - sa majoria de sa Giunta at preferiu crastinai sa própriu delíbberazioni".
"Cussu chi est acontessiu - narat su senadori - est senz''e lógica. A fac''e unu detau meda claru de sa Costituzioni nostra eus intendiu ingírius de fueddus: 'is senadoris-consilleris ant a sciri de essi stetius elígius in Regioni? Si podeus fidai de is novas de imprenta? Po comenti funzionant is Postas, forsis is senadoris-consilleris no ant arriciu s'atu de incàrrigu".
© RIPRODUZIONE RISERVATA