Prézius: in Casteddu sighint a crèsciri (+ 0,2 po centu in su mes''e arbili, +1,7 is trasportus)

(IlMinuto) – Casteddu, 3 de su mes''e maju - Sighit a crèsciri sa carestia in sa citadi de Casteddu. In su mes''e arbili s'índixi de is prézius a su consumu, fattu connosci de su Serbíziu "Informatica e Statistica" de su Comunu, est difatis aumentau de su 0,2 po centu (a pustis de su + 0,4 registrau in su mes''e marzu).
S'acrescimentu prus mannu (+ 1,7 po centu) esti stetiu registrau in su cumpartu de is "Trasportus".
S'índixi annuali tendenziali est in abbasciamentu lébiu - cun s'1,9 po centu -,  in su cuartu mesi de s'annu, difatis, est abasciau de su 0,1 si cunfrontau cun cussu de su mes''e marzu.