Nodriamentu: 30 paraderis sadrus in su "Cibus 2010"

(IlMinuto) – Casteddu, 7 de su mes''e maju - Est carca s'imbasciada sadra chi at andai in Parma po su "Cibus 2010", sa XV edizioni de su saloni de su nodriamentu in programma de su 10 a su 13 de su mes''e maju. Ant essi difatis prus de 30 is impresas agrualimentaris sadras presentis po s'apuntamentu cun is stand insoru aghillius aínturu de is duus padiglionis dispostus po sa Regioni Sardigna.
"In d'unu momentu de crisi de su cumpartu - at cummentau s'assessori de s'"Agricoltura" Andrea Prato ammostenti s'eventu a is organus de informazioni - seus cunbintus ca chistionai de is produzionis nostras in is fieras prus importantis, fieras aundi est assegurada importànzia e gadàngiu, siat decisiva po is impresas de s'Isola".
Cun 2.500 aparadoris e 50milla bisitadoris previdius, "Cibus 2010" est senz''e dúbbiu tra is apuntamentus prus importantis de su cumpartu agrualimentari in Italia.