A Manca: sighit sa campagna po Bellomonte síndhigu. 3 milla firmas po sa territorialidadi de sa pena: cras sit-in in Casteddu

(IlMinuto) – Casteddu, 7 de su mes''e maju - Andat ainnantis sa campagna eletorali de A Manca pro s'Indipendentzia po sa candidadura de Bruno Bellomonte a primu citadinu de Tàtari. Sa sedi de su movimentu indipendentista de bia Cetti at essi oberta dognia merì de is 17.30 finzas a sa fin''e sa campagna eletorali.
"Is candidaus nostrus - si ligit in d'una nota - ant essi a su serbíziu de is citadinus po acrarai is arrexonis de sa candidadura de Bruno Bellomonte a síndhigu e po ammostai a sa genti comenti eus a portai ainnantis sa campagna política nostra".
A Manca at a participai puru a su sit-in e a sa cuferénzia de imprenta convocada de su Comitau po sa territorialidadi de sa pena po cras a mangianu a fac''e sa sedi de su Consillu regionali, in Casteddu. In s'ocasioni, is aprontadoris de sa mobilitazioni ant a donai puru is 3milla firmas arregortas "po fai arrespetai su diritu de is presoneris sadrus de essi presoneris in s'Isola".

Po pediri scedas: 338 2154200