Líbburus: 50 annus de ocupazioni militari de sa Sardigna in s'analizu de Ledda e Floris

(IlMinuto) - Casteddu, 6 de su mes''e maju - Prus de 50 annus fait su Stadu italianu iat ispossidiu in Capo Teulada, pighendiddas puru cun s'ingannu, terras aundi de generazionis biviat una comunidadi de personas. De cussu momentu 24milla ètarus de terra sadra funt diventaus brassàgliu de armas meda perigulosas e asuba de àterus 13milla ètarus pesant is zerachias: unu númeru chi no tenit cunfrontu in Europa. A s'istoria de s'ocupazioni militari de s'Isola est dedicau su líbburu-analizu de Guido Floris e Angelo Ledda, "Servitù militari in Sardegna. Il caso Teulada".
S'analizu de Ledda e Floris at essi presentau custumerì in Casteddu (18.30) in ocasioni de is atóbius de literadúra aprontaus de sa Libbreria Murru.
Is autoris - si ligit in d'una nota - "partint de s'istoria de Teulada po arribbai a fai un'asàminu aprofundau de su tema de is zerachias militaris in Sardigna tochendi totus is momentus importantis de s'istoria: is isprópius, is isbarazus, is batallas de parti de is comunus, is lotas de is piscadoris, is leis aprobadas po poniri in régula is zerachias militaris, is acódrius otentus".