Imparamentu: in Ogiastra funt obertas is iscrizionis a s'Iscola media po genti manna

(IlMinuto) – Casteddu, 4 de su mes''e maju - Funt obertas, in Tortuelie e in is principalis centrus de s'Ogiastra, is iscrizionis a is cursus de su merì po podi pigai sa licénzia media.
Is cursus, totucantu gratis, funt aprontaus de su Ctep - Centru iscolasticu statali associau a s'Istitutu "comprensivo" I de Tortuelie - e obertus a is italianus e a is furisteris e "a totus cussus de dognia edadi chi no renunziant a si mellorai".
Is lezionis s'ant a tenni de su mes''e cabudanni a su mes''e làmpadas in is orarius cuncodraus cun is iscritus.

Po ndi sciri de prus: Ctep Tortuelie - 0782 62 80 51