Est acódriu tra s'Eni e sa Ramco. Traballantis Vinyls: "Cussu comunicau est ària frita"

(IlMinuto) - Casteddu, 6 de su mes''e maju - "S'atóbiu est finiu. Su comunicau chi nd'est bessiu a foras est ària frita". Cun custus fueddus Emanuele Manca, operàju de s'"isola dei cassintegrati", cummentat s'acòdriu otentu in su merì de ariseru tra s'Eni e sa Ramco. Sa multinazionali de su Quatar at a pigai sa Vinyls e totu sa produzioni sua. S'Eni at a fruniri a sa Ramco is matérias primas e is serbízius necessàrius po torrai a fai cumenzai sa produzioni. S'acódriu at essi firmau perou scéti in is cidas chi benint, a pustis de su via chi ant a donai is consillus de amministrazioni. "S'ùnica cosa chi a nos fait sighiri a sperai - sighit Manca - est chi, a cantu parrit e comenti sèmpiri, in s'atóbiu chi at a benni s'iat a depi poniri totu a postu".
"Cussu chi istrubbat - sighit un'àteru de is traballantis chi ocupant s'ex presoni de S'Asinàra, Andrea Spanu, est ca custa genti si pighit 15 diris de tempus po pigai decisionis meda fàcilis, de pipius". Spanu imbitat is capus mannus de is aziendas a passai is duas cidas chi benint acorraus in d'un'aposentu finzas a sa serradura de s'acódriu. "Aposentu - aclarat Spanu - seguramenti meda prus cómudu e acoliosu de is arrezas de su presoni aundi nos biveus de 70 diris".