"Diversamente cittadini": in Aristanis atóbiu po chistionai de "consumu críticu"

(IlMinuto) – Casteddu, 21 de su mes''e maju - Un'àteru stilu de vida, sustennibili e fideli cun s'ambienti, est possíbbili. Est custa cumbinzioni chi est a sa basi de su progetu "Diversamente cittadini": una fibera de atóbius a tema chi si tenit dógnia mesi in Aristanis a cumenzai de cras (10.00, auditorium San Domenico in bia Lamarmora).
In s'atóbiu dedicau a su tema de sa sustennibilidadi de sa cosa 'e papai, ant a participai su responsàbbili de is presídius Slow food in Sardigna, Corrado Casula, e is responsàbbilis de is grupus de còmpora 'solidale' de Casteddu e Nùgoro.
"Su progetu - si ligit in d'una nota - nascit cun s'iscopu de fai connosci is esperiénzias de citadinanza ativa (...) e cun cussu de avalorai is risorsas de su territoriu costruendi una reza tra associazionis, organísimus e istituzionis regionalis chi s'ammostant cumpassivas a is temas in chistioni".