Circustànzia de Bellomonte. Orsa: "Sa reza de is ferruvias italianas arretirit su lissenziamentu de Bruno"

(IlMinuto) - Casteddu, 28 de su mes''e maju - "Est una cosa chi no si podit dollorai ca, aundi ancora no est arribbada sa giustízia siat giai arribbada s'azienda. Bolleus ca s'Rfi, cun d'un'azioni de claresa e trasparénzia, arretirit su provedimentu e abetit ca sa siat sa giustízia a fai su cursu suu".
Cun custus fueddus sa segreteria regionali de su sindacau de basi Orsa cummentat sa decisioni de sa "Rete Ferroviaria Italiana" de lissenziai a su dirigenti de aMpI Bruno Bellomonte, presoneri de su mes''e làmpadas de su 2009 in su presoni de Sianu (Catanzaru).
"Eus scìpiu - si ligit in d'unu comunicau - ca s'Rfi at fattu unu provedimentu po lissenziai senz''e avisu a su collega nostru (Dirigenti Movimentu de sa stazioni de Tàtari) Bruno Bellomonte".
"Sa sociedadi at ammostau unu modu de fai de parti contra a Bruno. Su Cuntratu colletivu nazionali de su traballu - aclarat su sindacau - chistionat claru: su lissenziamentu senz''e avisu est prevìdiu candu giai ddoi siat stetia sa cundenna". Is arrexonis chi s'Rfi at usau po giustificai su lissenziamentu (Lei 604/66) - aclarat s'Orsa - funt de parti.
"Bruno - finit s'Orsa - esti sèmpiri stetiu in primu línia po sa tutela de is diritus de is traballadoris e esti stetiu sèmpiri acant''e nosu in is lotas sindacalis e in is isciòpirus, po custu (ma primu ancora comenti collega) si meritat sa solidariedadi nostra".