Casteddu cabat in praza contra a s'omofobia e contra a dógnia razismu. Gallittu: "Batalla de civiltadi e laicidadi"

(IlMinuto) – Casteddu, 11 de su mes''e maju - Casteddu narat no a su razismu. A bint'annus de candu nd'ai liau s'omosessualidadi de s'elencu de is maladias de conca de s'Organizazioni mundialli de sa Sanidadi is istradas de sa citadi ant essi atravessadas de unu corteu aprontau de s'Assembrea po sa diri internazionali contra a s'omofobia.
"Naraus a totus de benni a manifestai su 15 de su mes''e maju - at nau su responsàbbili de sa comunicazioni de s'Assembrea Sandro Gallittu - poita custa no est scéti una batalla in favori de una comunidadi de personas, ma est una batalla de civiltadi e de laicidadi chi depit essi de totus".
"S'obbiettivu de sa manifestazioni de sàbudu - at acrarau Gallittu - est de fai movi s'opinioni púbblica e de fai movi su Parlamentu a fai leis specíficas contra a dognia tipu de razismu".
Su corteu at a partiri a is 17.00 de praza Garibaldi po atravessai bia Sonnino, bia XX Settembre, bia Roma, largu Carlo Felice, bia Manno, Bia Garibaldi e acabbai in praza Garibaldi 'e totu, aundi, a is 20.00, at a cumenzai unu concertu.
A s'eventu at addiriu puru s'Ufíciu "Nuovi Diritti" de sa Càmera de su "Lavoro" de Casteddu.