Cassintegraus Sicmi: "Apaltus amministraus in d'unu modu chi no est po nudda sindacali"

(IlMinuto) – Casteddu, 3 de su mes''e maju - S'arreconnoscimentu de su diritu de cuncúrriri a is apaltus in cundizioni de paridadi e trasparénzia e s'arrespetu de is normas de seguresa e de is salàrius previdius de su cuntratu nazionali de traballu. Funt custas is dimandas chi is 64 cassintegraus de sa "Sicmi Montaggi" ant ammostau cenàbara passau a su presidenti de sa provìnzia de Crabònia e Igrèsias, Pierfranco Gaviano. "Is traballantis, màrtiris po mori de is cundizionis grais de crisi economica chi est scorendi su Surcis Igresienti - si ligit in d'una nota de s'amministrazioni - denunciant puru un'amministrazioni de is apaltus assurda e po nudda sindacali".
Gaviano - si narat in su situ istituzionali de sa Provìnzia - "cundividendi is apensamentus de is 64 cassintegraus e de is famílias insoru, at dimandau un'atóbiu apretosu cun su Presidenti de sa Giunta Regionali e cun sa "Commissione Industria" de su Consillu Regionali, po fai oberri su cunfruntu, unu cunfrutru chi at a depi arribbai depressi a una soluzioni de sa vertenza".