Traballu: is operàjus de sa Rockwool ocupant su ponti de Campo Pisano

(IlMinuto) - Casteddu, 14 de su mes''e arbili - " Sa cosa est agravendusì de diri in diri, anzis a custu puntu no si podit fai nudda. Sa cassa integrazioni, chi s'azienda at ativau po s'acabbu de sa produzioni, est arribbendi a sa fin''e in s'orizonti no ddoi funt possibbilidadis de traballu". Funt custus is motivus chi ant portau is traballantis de sa Rockwool de Igrèsias - chi produsit "lana de arroca" - a ocupai, ariseru a merì, su ponti de Campo Pisano: "unu ponti po su traballu".
"S'assembrea - si ligit in d'unu comunicau - at decídiu de bessiri de su stadu de assétiu e de fai biri a totus sa protesta, chi no at mai probassau is arrégulas de su bíviri civili".