"Racconta l'isola di Acchettos": disignus, cantilènas e contus po su cuncursu de is iscolas de sa provìnzia de Tàtari

(IlMinuto) - Casteddu, 27 de su mes''e arbili - Su 21 de su mes''e maju at a finiri cun d'una premiazioni in su Palazzo Ducale sa primu edizioni de su cuncursu gràficu-letterariu "Racconta l'Isola di Acchettos".
Su progetu, promòviu de su Comunu de Tàtari cun s'agiudu de sa "Promoteo Servizi ed Eventi" e sa libbreria "Messaggerie Sarde" s'at a tenni po sa  manifestazioni "Caddos" e est reservada a is classis de is iscolas elementaris e médias de sa Provìnzia de Tàtari (chi po presentai is traballus ant tentu tempus finzas a su 24 de su mes''e arbili).
"Is disignus chi tenint po tema  'L'Isola dei piccoli cavalieri' - si ligit in d'una nota - ant essi pubblicaus in si situ www.caddos.it e votaus de is ligidoris. Is contus e is cantilenas, in língua italiana o sadra, ant essi imbecis giudicaus de una zuria de spertus. Is primus classificaus po dognia sezioni ant a tenni comenti prémiu una diri po connosci su cuaddu e s'habitat naturali suu".