Pinna (Psdaz): "Destra o sinistra? S'Obbietivu est s'acrescimentu de su Partidu: sa Lega fait lezioni: Bossi in Sardigna? No grazias"

(IlMinuto) – Casteddu, 8 de su mes''e arbili - "Bossi a pustis de sa secessioni padana, at a fai puru sa secessioni sadra? A pustis de essi Alberto da Giussano bollit puru essi Mariano d’Arborea? Dilgrasciadamènti su terrenu de sa batalla indipendentista no previdit suspiduras. Su federalismu previdit ca dognia pópulu si libberit a solu". Est cantu afirmat oi cun d'unu discursu in su situ de su Partito Sardo D'Azione Michele Pinna, maistu de filosofia, 57 annus, de sempiri diretori de s'"Istituto di Studi e Ricerche Camillo Bellieni" de Tàtari, fundau de iss''e totu in su 1089.
Su Partito Sardo D'Azione no at aghilliu beni sa nova de sa scuadra de Bossi de presentai is próprius listas a is elezionis provinzìalis sadras. "Si Bossi iat a bolli benni in Sardigna comenti indipendentista-libberadori - acrarat Pinna - naraus no grazias poita in custa matéria, de Tuveri e a pustis de custu, dutrina e istoria tenus de ndi biri e sa língua sadra nostra est meda diversa de is dialetus padanus".
Immoi comenti immoi su Psdaz scit beni de no tenni cuncurrentis "federalistas" in sa destra. "S'alleànzia cun su centru destra - precisat s'istudiosu - iat a aumentai su poderi contratuali de su partidu sadru in is cunfrontus de is alleaus, puru sacrifichendi calincuna, assumancu in aparénzia, profetosa alleànzia territoriali a sinistra, comenti cussa de Tàtari, e comenti calincunu narat, iat a podi agiudai s'acrescimentu de su Psdaz tenedi unu nùmeru bàsciu de cuncurrentis sardistas in su centru destra. A su contràriu de su centru sinistra no si fait cunfusioni in is linguàgius sardistas". Segundu Pinna s'alleànzia de centrusinistra iat ai difatis "incorporau Irs, Rossomori e Sardigna Natzione".
"S'obbietivu primu - precisat - (est in custu ca sa Lega fait lezioni) destra e/o sinistra abarrat s'acrescimentu de su partidu e no po oi ma po su futuru".