"Operazione United 79": in sa Terranòa Tàtari "performance" po denunciai is retardus in is traballus

(IlMinuto) – Casteddu, 27 de su mes''e arbili - Su 6 de su mes''e maju unu grupu de personas s'ant a corcai po 30 minutus in s'istrada statali Terranòa Tàtari, in s'artesa de su chilómitru 53/54, acanta de s'Enas. S'iscopu de sa cosa, batiada 53/54, est cussu de atirai ancora una borta s'atenzioni de is mezus de informazioni e de is istituzionis asuba de is tardamentus in su fàbbricu de s'istrada a cuatru corsias.
"Sa 'performance' - acrarat s'aprontadori de s'eventu Salvatore Scalora, maistu de "Educazione visiva e Discipline pittoriche" in s'Istitutu s'Arti de Lanusè - cunsistit in si corcai in d'una corsia de su tretu de istrada interessau, unu acanta de s'àteru, cobertus de unu telu biancu. Si tratat de impitai scéti 30 minutus de tempus preziosu de bosàterus po essi protagonistas de un'azioni chi at a abarrai in s'arregordu de totus e chi at a serbiri a mellorai sa cundizioni de sa vida nostra".