Operàju morrit strecau de una gru. Costa (Cgil): "Cun sa crisi ancora prus pagu seguresa in su traballu"

(IlMinuto) – Casteddu, 21 de su mes''e arbili - "Sa disgràzia in su traballu aundi at perdiu sa vida Ilario Moro Merella, s'operàju chi traballàt in su cantieri de Porto Pozzo est una tragédia assurda chi depit custringi is autoridadis cumpetentis a afortiai is controllus e su prevenimentu, po s'arrespetu de is normas de seguresa e contra a su fenómenu de su traballu foras de cabudu, unu traballu aciuvau e senz''e arrégulas".
Est cantu at nau su segretariu generali de sa Cgil sadra Enzo Costa. S'operàju, de 45 annus, est mortu custu mangianu strecau de una ruspa. Sa dinàmica de sa disgràzia depit essi ancora acrarada.
"No bastàt su préziu meda mannu creau de s'apretu mannu chi s'ausenzia de traballu est scarrighendi asuba de is traballantis - at precisau Costa - ddoi funt signalis chi ammostant comenti po mori de sa crisi funt sempiri prus pagus is fiànzas e is diritus, puru in matéria de saludi e de seguresa".