Massidda (Pdl): Farris candidau "chi nemus connoscit" e impostu "de cuatru dirigentis localis"

(IlMinuto) – Casteddu, 28 de su mes''e arbili - Sa candidadura de Giuseppe Farris a sa presidénzia de sa Provìnzia de Casteddu po su Pdl est su frutu de sa bolontadi de "cuatru o cincu dirigentis localis, chi ant fattu custu scioberu inserraus in cuatru murus, senz''e domandai a sa genti ita pensàt de sa cosa".
Est cantu afirmat in d'una nota su senadori Piergiorgio Massidda, sempiri prus cumbintu a presentai, po is elezionis provinzialis chi benint, listas autonomas e contrapostas a cussas uficialis de su
"Popolo delle Libertà". Listas contra a "is manigius de partidu chi bollint fai balli a sa maraolla is próprius scioberus" cun d'unu candidau "chi nemus connoscit".
"Sa decisioni mia de andai ainnantis a dognia modu - acrat Massidda - no est un'abbétia. Su fattu est un'àteru: cumprendu sempiri de prus ca tengu unu doveri in is cunfrontus de su pópulu sadru e de is citadinus de sa Provìnzia aundi bivu".