Maladias "tromboemboliche": su centru Tao esti stetiu trasladau in sa "Cittadella della Salute"

(IlMinuto) – Casteddu, 23 de su mes''e arbili - Cambiamentu de aposentus po su Centru aundi si curant is personas maladias o chi arriscant maladias "tromboemboliche" (Centru Tao) de Casteddu. A cumenzai de custa cida is maladius interessaus no depint prus andai a s'Ispidali Businco, ma depint andai in sa "Cittadella della Salute" in via Romagna n. 16 (padiglioni A, primu pianu).
"Su cambiamentu de aposentus - si ligit in d'una nota - esti stetiu previdiu de sa direzioni aziendali poita esti stetiu aprontau un'àtera borta s'assistu de su distretu, po garentiri un'oferta de is curas chi siat de calidadi e chi siat meda mellus de cussa passada. Un'oferta acumonada a un'acatu prus acoliosu, un'acatu donau de is aposentus nous".