Lega in Sardigna. Bota e arrespusta Sni-Psdaz. Cumpostu: "Est unu partidu coloniali". Sanna: "Nesciuna opinioni negativa"
(IlMinuto) – Casteddu, 9 de su mes''e arbili - "Su Psdaz e deu puru no eus mai tentu unu giudíziu negativu e nesciunu dúbbiu políticu in is cunfrontus de sa Lega Nord.
Ansis, su cunfrontu in matéria de riformas e de federalismu, s'at biu prus de una borta protagonistas de atividadis annuadas, impari a is leader nazionalis de su carruzu, a cuminzai de s'atuali ministru de s''Interno' Roberto Maroni". Est cantu at declarau ariseru in d'unu comunicau su segretariu nazionali de su Psdaz, Giacomo Sanna, arremaciendi cussa chi definit "sa presénzia de is listas de sa Lega Nord in Sardigna po is elezionis amministrativas chi benint, comenti una presénzia senz''e fundóriu e pagu oportuna". No est de su própriu pensu Bustianu Cumpostu, cordinatori nazionali de Sardigna Natzione Indipendentzia. "Sa Lega Nord - scririt Cumpostu - presentendi is próprius listas a is elezionis provìnzialis sadras, s'at a cumportai in Sardigna comenti unu calisisiat partidu italianu. Immoi est claru ca sa Lega no est unu partidu chi cumbatit po is diritus de unu pópulu senz''e stadu ma bollit scéti is privilégius chi su Nord Italia at pigau in arregalu de unu stadu sabaudu imbentau a usu e consumu de su Nord e a dannu de su Sud, e meda de prus, de sa colónia Sardigna".
Si Sni acusat sa Lega de colonialismu, Sanna parrit in veci tímiri sa "cuncurrénzia" de sa scuadra de Bossi. "Bideus comenti un'errori - precisat - ponni in gara, si puru aintru de sa própriu alleànzia de centrudestra in Sardigna, is listas de su Psdaz e cussas de sa Lega Nord, duas forzas políticas chi tenint comenti baloris prus importantis cussus de su diritu de is pópulus a s'autonomia e su federalismu".
Cumpostu assignat s'isbarcu de sa Lega in Sardigna puru a is cumparziduras tra is scuadras indipendentistas.
"Si sa Lega ponit is arréxinis in Sardigna - scririt - est po mori ca ddoi est una sparzimenta meda mala. S'indipendentismu, chi tenit a immoi ses partidus, no arrennescit a propòniri a is eletoris sadrus un'isperu giudiziosu delegabbili".
"Sni - concluit su leader indipendentista - pedit a is eletoris de negai su votu no scéti a sa Lega Nord, partidu coloniali nou, ma puru a cussus partidus ca nonostanti si declarint indipendentistas, arrefudendi alleànzias e pensus indebbilitant s'indipendentismu, e de fattu, afortiant is partidus italianus".
Ansis, su cunfrontu in matéria de riformas e de federalismu, s'at biu prus de una borta protagonistas de atividadis annuadas, impari a is leader nazionalis de su carruzu, a cuminzai de s'atuali ministru de s''Interno' Roberto Maroni". Est cantu at declarau ariseru in d'unu comunicau su segretariu nazionali de su Psdaz, Giacomo Sanna, arremaciendi cussa chi definit "sa presénzia de is listas de sa Lega Nord in Sardigna po is elezionis amministrativas chi benint, comenti una presénzia senz''e fundóriu e pagu oportuna". No est de su própriu pensu Bustianu Cumpostu, cordinatori nazionali de Sardigna Natzione Indipendentzia. "Sa Lega Nord - scririt Cumpostu - presentendi is próprius listas a is elezionis provìnzialis sadras, s'at a cumportai in Sardigna comenti unu calisisiat partidu italianu. Immoi est claru ca sa Lega no est unu partidu chi cumbatit po is diritus de unu pópulu senz''e stadu ma bollit scéti is privilégius chi su Nord Italia at pigau in arregalu de unu stadu sabaudu imbentau a usu e consumu de su Nord e a dannu de su Sud, e meda de prus, de sa colónia Sardigna".
Si Sni acusat sa Lega de colonialismu, Sanna parrit in veci tímiri sa "cuncurrénzia" de sa scuadra de Bossi. "Bideus comenti un'errori - precisat - ponni in gara, si puru aintru de sa própriu alleànzia de centrudestra in Sardigna, is listas de su Psdaz e cussas de sa Lega Nord, duas forzas políticas chi tenint comenti baloris prus importantis cussus de su diritu de is pópulus a s'autonomia e su federalismu".
Cumpostu assignat s'isbarcu de sa Lega in Sardigna puru a is cumparziduras tra is scuadras indipendentistas.
"Si sa Lega ponit is arréxinis in Sardigna - scririt - est po mori ca ddoi est una sparzimenta meda mala. S'indipendentismu, chi tenit a immoi ses partidus, no arrennescit a propòniri a is eletoris sadrus un'isperu giudiziosu delegabbili".
"Sni - concluit su leader indipendentista - pedit a is eletoris de negai su votu no scéti a sa Lega Nord, partidu coloniali nou, ma puru a cussus partidus ca nonostanti si declarint indipendentistas, arrefudendi alleànzias e pensus indebbilitant s'indipendentismu, e de fattu, afortiant is partidus italianus".
© RIPRODUZIONE RISERVATA