Karate: acabarrada de medàllias in su torneu internazionali de Sardara po is atletas de su Kanazawa Cuartu
(IlMinuto) – Casteddu, 12 de su mes''e arbili - Fortuna po is atletas de su Club Kanazawa in su IV Campionau internazionali de Sardara. In sa gara, chi s'est tenta a sa fine''e de su mes''e marzu in sa bidda de su Campidanu de Mesu - ant participau is scuadras nazionalis de s'Italia (Shotoreigikan e Fikk), de sa Sardigna, de su Congu, de sa Svizzera, de sa Francia e de su grupu sportivu "B. Sassari".
Sa campionessa brasiliana Rosmary Machado at bintu s'oru in su kumite (cumbatimentu) femininu. Prata po Luca Matta in su cumbatimentu omininu seniores, batiu cun onori in sa finali de su professionista Donato Zecca. At fattu una figura meda bella puru Massimo Piludu in su Kata ("forme preordinate"): su giòvanu atleta sadru at difatis concuistau su terzu postu in su torneu chi bidiat su cufrontu de prus de 30 "cinture nere".
Massimo Piludu e Luca Matta - giai campionis mundiallis cun Nicola Moi de Kata a scuadras a is mundiallis Jska de Manchester 2008 - ant cunfirmau un'atera borta sa classi insoru, puru si ddoi furiat unu regulamentu diversu de cussu classicu de su karate tradizionali.
Fortuna puru po Alessandro Piludu (oru in su Kata e prata in su Kumite - categoria juniores) e po Simone Mocci (primu postu in su Kata e segundu in su Kumite - "cinture gialle).
Cassa manna de medàllias po is atletas de is maistus Alberto Piludu (VII dan) e Alberto Fogu (VI dan) e de su coach Mauro Corongiu (III dan). S'apuntamentu chi benit po is karateka sadrus est cussu de su campionau nazionali Shotoreigikan/Feikar, in programma su 23 de su mes''e maju in Giussanu (Milanu).
Sa campionessa brasiliana Rosmary Machado at bintu s'oru in su kumite (cumbatimentu) femininu. Prata po Luca Matta in su cumbatimentu omininu seniores, batiu cun onori in sa finali de su professionista Donato Zecca. At fattu una figura meda bella puru Massimo Piludu in su Kata ("forme preordinate"): su giòvanu atleta sadru at difatis concuistau su terzu postu in su torneu chi bidiat su cufrontu de prus de 30 "cinture nere".
Massimo Piludu e Luca Matta - giai campionis mundiallis cun Nicola Moi de Kata a scuadras a is mundiallis Jska de Manchester 2008 - ant cunfirmau un'atera borta sa classi insoru, puru si ddoi furiat unu regulamentu diversu de cussu classicu de su karate tradizionali.
Fortuna puru po Alessandro Piludu (oru in su Kata e prata in su Kumite - categoria juniores) e po Simone Mocci (primu postu in su Kata e segundu in su Kumite - "cinture gialle).
Cassa manna de medàllias po is atletas de is maistus Alberto Piludu (VII dan) e Alberto Fogu (VI dan) e de su coach Mauro Corongiu (III dan). S'apuntamentu chi benit po is karateka sadrus est cussu de su campionau nazionali Shotoreigikan/Feikar, in programma su 23 de su mes''e maju in Giussanu (Milanu).
© RIPRODUZIONE RISERVATA