Fundu Cossu: milla libbrus donaus a sa Bibblioteca de su comunu de Usèddus

(IlMinuto) - Casteddu, 8 de su mes''e arbili -  Funt casi milla is  libbrus pubblicaus tra sa fin''e s'Otuxentus e sa fin''e su séculu passau chi apartenint a su Fundu de libbrus Cossu, parti de sa bibblioteca chi furiat de propriedadi de Didaci Cossu e Laura Murru. Su fundu, finzas a custu momentu allogau in sa domu de via Sant'Avendrace, in Usèddus, esti stetiu donau de is erederis a sa bibblioteca de sa bidda.
De is libbrus donaus e de s'eredidadi de Didaco Cossu - su primu a portai sa "radiologia" in Casteddu in is annus Trinta - e de Laura Murru - maista is iscolas superioris e scienti de Ludovico Geymonat - s'at a chistionai sàbudu 10 de su mes''e arbili in d'unu cunvegnu aprontau de s'amministrazioni comunali e de sa sociedadi Nur (18.00, saba de is cunvegnus de is Iscolas elementaris de via Deledda).
Po s'atóbiu, cordinau de Luigi Mainas, ddoi ant essi Aldo Borghesi ("Microstoria e Fondi librari"), Giuseppe Mainas ("Il Fondo librario Cossu") e Giuseppina Cossu ("La figura di Didaco Cossu e di Laura Murru").