"Equijobs": in Samassi cursu europeu po "féminas cualificadas chi traballant cun is materialis naturalis in is fàbbricus".
(IlMinuto) - Casteddu, 14 de su mes''e arbili - Possibbilidadis noas po is féminas senz''e unu traballu chi bivint in is territorius de su satu de sa Sardigna. Atressu su progetu europeu Equijobs - po su cali s'"Agenzia regionale per il lavoro" est partner in Italia - ant essi difatis cualificadas 15 "féminas chi ant a traballai po s'impiegu de materialis naturalis in is arrebbussus, in is pinturas e in is finiduras".
"Is féminas a is calis est distinau custu progetu - si podit ligiri in d'una nota - funt residentis o domiciliadas in is territorius de su satu de sa Sardigna (ant a passai primu cussas de is Comunus de su Campidanu de Mesu), tenint tra is 18 e is 50 annus e ant fattu sa scola de s'óbbligu".
Is 15 participantis a su cursu ant a imparai is cumpeténzias necessàrias a fai torrai a sa luxi is arrebbussus de is domus de làdrini e a sa fini de su cursu ant a sciri usai is materialis naturalis po is intúnigus, is pinturas e in is finiduras de is fàbbricus.
Is imparadoras ant a pigai una paga de 1.50 eurus po dognia ora de frecuénzia. Is lezionis s'ant a tenni in sa bibblioteca de su comunu de Samassi "bidda de su làdrini".
"Cun custu progetu pilota - at declarau s'assessori provinziali Rossella Pinna – is féminas ant a podi intrai in d'unu campu de su traballu chi finzas a custu momentu esti stetiu serrau po su sessu femininu, su campu de su fàbbricu cualificau".
Is dimandas po participai depint essi mandadas inturu is 13.00 de su 19 de su mes''e arbili de su 2010 a s'"Agenzia regionale per il Lavoro", in via Is Mirrionis 195.
Po ndi sciri de prus:
www.provincia.mediocampidano.it