Elezionis: in Sestu s'Idv si ndi scapiat de su Pd. Riformatori a solus in Cuartu Sant'Alèni e in Igrèsias

(IlMinuto) - Casteddu, 20 de su mes''e arbili - A dexi diris de sa presentada de is listas po is elezionis amministrativas de su 30 e de su 31 de su mes''e maju est ancora meda s'ànsia in is duus grupus políticus.
Is Riformatori - a pustis de una filera de no, otentus in sa mesa de is acódrius - s'ant a presentai a solus in Igrèsias, aundi su candidau po sa càriga de síndigu at essi Roberto Frongia, e in Cuartu Sant'Alèni (aundi su candidau po sa cadira de primu citadinu est Gabriele Marini, consilleri de sa gestioni chi est finendi su mandau).
Sa cursa po sa cadira de presidenti de sa Provìnzia de Casteddu dividit imbecis su Pdl. Su parlamentari Piergiorgio Massidda cunfirmat s'intenzioni de si presentai po is elezionis po pigai su postu de Graziano Milia, puru senz''e su cunsensu de Silvio Berlusconi (chi iat a podi decídiri de fai presentai comenti esponenti de su Pdl Giuseppe Farris, assessori de su "Personale" in su comunu de Casteddu).
Meda movias puru is àcuas de su centrusinistra. In Sestu s'Idv si ndi scapiat de s'unioni cun su Pd e declarat ca at a presentai Fabio Usala, giai imbasciadori citadinu de su movimentu de Di Pietro.