Cgil: in Senobria cunvegnu po chistionai de imparu e traballu. Vargiu: "Sa reforma at a ferri su diritu a su studiu"

(IlMinuto) - Casteddu, 29 de su mes''e arbili - “Istruzione e lavoro: nel futuro dei giovani il futuro del territorio”: at essi custu su tema de su cunvegnu aprontau de sa "Camera del Lavoro" de sa Cgil de Casteddu, in programma custumerì in Senobria (16.00, Domu Lonis).
S'atóbiu - aclarat Piero Vargiu, a capu de sa Cgil po sa Trexenta, su Sarcidanu e sa Barbàgia de Seùlu - at essi s'ocasioni po chistionai de is isperas de custu territoriu. Sa reforma de s'iscola, si no at essi impedia, at a portai a fai diventai ancora prus póberu su diritu a s'istudiu po is giòvanus de totus is Comunus de sa zona ingíriu de Casteddu, aundi giai si registrat unu númeru meda artu de sparzinamentu de s'iscola".
Po s'atóbiu ant a participai puru don Ettore Cannavera, fundadori de sa Comunidadi de recúperu "La Collina", e  Angela Quaquero, assessori de is "Politiche Sociali" de sa Provìnzia de Casteddu.