Calciu po giòvanus: 45 squadras e 800 atletas po su Torneu internazionali de Senobria

(IlMinuto) - Casteddu, 29 de su mes''e arbili - 45 scuadras cun prus de 800 atletas chi tenint un'edadi tra is 5 e is 16 annus e chi benint de totu sa Sardigna, de continenti e de tres nazionis foras de istadu. Funt custus is númerus de sa XV edizioni de su Torneu internazionali de calciu po giòvanus, in programma de su 25 a su 28 de su mes''e làmpadas in Senobria.
Sa manifestazioni, aprontada de s'"Unione Sportiva Fulgor" cun s'amministrazioni comunali, est - si narat in d'una nota - meda importanti po totu sa bidda de Senobria, no scéti po su sport, sa sociedadi e s'economia. Su torneu, difatis, at a permítiri de portai s'immàgini de sa bidda a foras de is làcanas de sa Trexenta e de fai apreziai is arrichesas de s'archeologia, de sa cultura e sa cos''e papai".