Boxe tailandesa: bitória de Andrea Serra in sa segunda Copa Karalis

(IlMinuto) – Casteddu, 26 de su mes''e arbili - Sa Thai Boxe sadra sighit a crèsciri. In ocasioni de sa segunda copa Karalis - chi s'est tenta sàbudu in su "Pallone Geodetico" de Casteddu - su giòvanu professionista sadru, Andrea Serra, at difatis batiu Ponce in cussu chi furiat seguramenti s'incontru clou de sa diri (categoria 63,5 kg).
In s'àteru match de is professonistas in programma, Fabrizio Sacco (Milanu) at in veci bintu sa gara cun Francesco De Montis (Body Kombat Sìnnia).
Is bitórias de Pisano e Cocco ant cunfirmau su balori de s'iscola sadra puru tra cussu chi no funt professionistas. De registrai est difatis sa bitória de Botter in sa gara contra a Puddu e su paregiu tra Mazza e Stocchi.
S'organizazioni de sa cosa esti stetia curada de sa "Cagliari Lubrano-Serra promoters".