Vertenza Vinyls: Schirru (Pd): "Su Guvernu e sa Regioni fazant calincuna cosa". Cras atóbiu de sa Giunta in S'Asinàra

(IlMinuto) - Casteddu, 29 de su mes''e marzu - "In custu momentu de crisi meda manna po sa Regioni nostra, est necessàriu fai totu su possíbbili po vitai sa serrada de is istabilimentus, chi ant essi sa càusa de efetus meda grais po s'economia e po sa sociedadi, in d'unu territoriu giai meda sciusciau. Sa protesta de su grupu de operàjus chi, in s'isola de S'Asinàra, ant ocupau s'antigu presoni de "massima sicurezza" prus famosu de Italia, chi s'aciungit a cussa de is cincanta operàjus chi ocupant sa turri aragonesa de Pòrtu Turre, depit essi un'abbisu po is istituzionis, unu signali de un'apurimentu chi est foras de contu". Cun custus fueddus sa parlamentari de su Pd, Amalia Schirru, espressat solidariedadi a is traballantis de sa Vinyls de  Pòrtu Turre, chi de 32 diris ocupant s'ex presoni de S'Asinàra.
"A custu puntu est necessàriu ca su Guvernu e custa Regioni - precisat Schirru - pongant de una parti is pragonis fattus po is elezionis e defendant is traballantis stracus e iscinigaus de custa cosa".
"S'atóbiu de sa Giunta regionali s'at a tenni cras a mangianu, a tradu, própriu in s'isola de S'Asinàra".