Vertenza Saremar. Atóbiu tra is partis in is primus diris de arbili

(IlMinuto) - Casteddu, 18 de su mes''e arbili - Primu arrisurtau po sa mobilitazioni de is traballantis de sa Saremar. A pustis de sa protesta de custu mangianu a facc''e su Consillu regionali, s'assessori de is "Trasporti", Liliana Lorettu, at difatis atobiau is traballantis de sa cumpangia de nàvigu e istabbiliu un'atóbiu nou tra is partis (Regioni, sindacaus e síndigus) po sa primu diri de arbili. In s'odg ddoi at essi s'ipótesi de sa cuncessiòni de su 51 po centu de s'azienda a is privaus. Una possibbilidàdi chi, po sa Cgil Filt, iat a poniri a arriscu mannu sa calidadi de su serbíziu e su traballu de una parti de is addetus.
"Cunfirmu - at nau s'esponenti de sa Giunta regionali - s'impignu nostru po sa tutela de is precarius, e po mantèniri is serbízius e mellorai is prézius".