"Una giornata senza di noi": su Prc sadru addirit a s'isciòpiru

(IlMinuto) - Casteddu, 1 de su mes''e marzu - "Eus a essi in is diversas prazzas arraspetendi in prenu s'autonomia de is sugetus promotoris e eus a essi parti de unu caminu chi bidit in su primu de su mes''e marzu una diri meda meda importanti". Cun custus fueddus su segretariu regionali de Rifondazione Comunista, Gianni Fresu, annunziat ca su Prc sadru at a addiriri a is diversas manifestazionis aprontadas po s'isciòpiru de is immigraus "1 marzo 2010, una giornata senza di noi".
"Giai de sa diri ifatu - narat Fresu - eus a tenni s'abbilénzia de afortiai is raportus nous chi funt nascendi cun is personas chi in sa sociedadi bollint costruiri un'echilíbbriu soziali fundau asuba de sa paridadi de is diritus sozialis, civilis e politicus".