Tàtari: cunvegnu po chistionai de s'istoria citadina de sa "Cida Santa"

(IlMinuto) – Casteddu, 16 de su mes''e marzu - "La Settimana Santa a Sassari”: est custu su títulu de su cunvegnu chi s'at a tenni custumerì a is 17.30 in sa saba cuferénzias de s'Archíviu istoricu comunali tataresu. Po s'apuntamentu ant a fueddai su diretori de s'Archíviu, Paolo Cau, e is istoricus Mario Tola e Francesco Ledda.
"Su cunvegnu - est nau in d'una nota - si collocat in s'ambitu de s'avaloramentu e de s'arregodu de sa tradizioni de sa Cida Santa de Tàtari: una citadi, comenti totus is citadis europeas de 'Antico Regime', aundi is festas religiosas faiant parti de s'interessu soziali de sa vida, comenti momentu de connoscénzia de s'identidai colletiva".
"Sa Cida Santa de Tàtari - ispiegant is aprontadoris - est forsis pagu connoscia, si pensaus a totus is Cidas Santas chi si faiant in is citadis régias de s'isola, ma no po custu est de prus pagu importu".