Tàtari: annullau su sit in de is abitantis de s'ex asilu de via Bottego. Primas arrespustas de Palazu Ducale

(IlMinuto) – Casteddu, 24 de su mes''e marzu - Primas arrespustas de su Comunu de Tàtari a is abitantis de s'ex asilu de via Bottego, in su cuarteri de Latte Dolce in Tàtari. In sa diri de martis s'est tentu un'atóbiu in Palazu Ducale a sa presénzia de s'assessori a is "Politiche per la Casa", Nicola Sanna, de s'assessori de s'"Ambiente", Francesco Sircana, de un'ambasciada de abitantis de su logu, de Pietro Serra (Gc) e de su consilleri comunali Antonello Sassu.
In s'atóbiu s'est fattu su bilànciu de sa cosa circhendi un'acórdiu tra s'amministrazioni comunali e is abitantis de s'asilu. Po is diris chi benint esti stetiu programmau un'interventu de bonífica, chi at essi precediu de una bisita de s'assessori de s'"Ambiente".
In sa reunioni, is residentis de s'ex asilu ant arregordau is cundizionis de vida meda malas chi ddus acumpangiant de annus: no scéti infiltrazionis de àcua in is fius eletricus, sciarrocus de is murus e sórigas aintru 'e domu, puru genti chi depit andai a pigai s'àcua in is funtanas e chi dda depit callentai cun sa luxi de su soli.
"Seus satisfaus de s'esitu de su vertici de martis a merì - afirmat in d'una nota Pietro Serra de Gioventù Cristiana - e immoi abetaus s'agiudu de su Comunu. Po gióbia eus decidiu de annullai su sit-in a facc''e su Palazu Ducale, ma no bollit nai ca no eus a acastiai asuba de custa tragédia de via Bottego e via Nobile".